So much for friendship.

Paunawa: Bitter ang mababasa n'yo. Ayaw mo ng bitter? 'Wag kang magbasa.

Kakalimutan ko na sana ang ginawa mo dati. Tinapos ko na ang marami kong ka-bitter-an sa maraming bagay mula sa nakaraan. Akala ko naman totoo. Okay sana pero binalik mo na naman at dinagdagan mo pa.

Siya: Can i see you some time
Ako: aww bakit naman?
Siya: gusto ka makita ni mama eh...minsan dalaw ka naman sa bahay
Ako: hahaha sure. bakit naman daw?
Siya: kasi may kasalanan ako sayo...ikaw ang lagi kong excuse pag kasama ko bf ko kaya yun sabi niya ikaw naman daw ang pumunta sa bahay...sorry
Ako: ah.
Siya: yeah...well...i did really wanna see you too kaya lang di mo ko nirereply pag minemesage kita...busy ka cguro...kahit hindi dumaan ka lang po dito tapos pasyal na tayo kung saan...nakakabagot din kasi dito sa bahay tsaka may kukukwento pala ko sayo a katangahan ko...
Ako: okay.
Ako: pag may time.
Siya: thanks po...

Kalmado na ako hanggang sinabi mo ulit ito. Hindi ko maalala kung kelan mo unang sinabi sa akin ito pero hindi ko sigurado kung 'yun ang unang beses na ginawa mo 'yun. Hindi ka ba kung bakit hindi na kita nirereplyan sa text at sa YM? Nagtataka ka pa ba o iniisip mong okay lang sa akin ang panggagamit mo? Akala mo ba 'yon lang? May nagawa ka pa dati at bata pa tayo noon kaya may kababawan pero ilang taon ko rin 'yong ininda. Binalewala ko na 'yon ngayon pero ito na naman. Aasa ka pa ngayong gusto ko pang makipagkita sa'yo? At lalo sa mommy mo? 'Yaan mo, dahil naging close friends naman tayo, tinago ko name mo. At saka 'wag ka mag-aalala hindi ka nag-iisa. May isa pa akong malapit na kaibigan na matagal ko nang di nakikita pero nung nakita ko na siya sa Friendster at nakuha ko na number eh... Hay, naku. Okay lang naman kung 'di kami maging textmates; Una, Globe siya at Smart ako. Pangalawa, di rin naman ako mahilig mag-text at kuripot ako sa paglo-load. Pero ang mag-text ka at sabihan akong hindi ka na makaka-text dahil wala ka nang load [ito maiintindihan ko pa] pero send-an kita ng love message para pagselosin ang boyfriend mo... Tangina. Alam ko maganda pangalan [pwede for both sexes] ko pero ano yun, ginawa mo akong tibo o ginawa mo akong lalaki? Salamat na nga pala sa friendship mo noon. So, balik sa'yo. Nagkukwento ka. Ano'ng inaasahan mo, na bibigyan kita ng advice gaya ng dati? I don't think so. Hindi ako gano'n kabait. At saka mas madami akong friends na mas tunay at totoo pa kaysa sa inyo. Sana matalino ka para maramdaman ang coldness sa reply ko dahil hindi mo 'yan maririnig kailanman galing sa 'kin. Tagal pa naman nating naging friends.

Salamat pero so much for your friendship.

Sayang hindi mo mababasa ito.